Samschdaach is Erntedaach. 
Unn so sitt e Fenschderbank mit lauder rode Chilis vorm Abernde aus:
Unn so e Schüssel mit 800g reife Calypso Red:
Bei de Carribean war leider net so vill rausseholle (der Ausschlaach an da Woh war wehnischa als e Skalestrichbreite… ), awwa isch bin jo schonn froh, dassisch von dene iwwahaupt noch was kritt hann.
Geschda hannisch se getrocknet. – Dokumentation folgt.
Hann grad sesamme mem PB mol die klän süß Chili do unne vakösdischt.
Isch hann ca. e Vierdel devon gess unn de PB dodevon sogar nur e Schdiggsche abgebiss: Es war so krass! De Schluckse kritt unn de Mund noch e verdel Schdunn schbäda gebrannt, wie Hölle.
De Krauß unn de Schuh hann sisch dann mol noch das Messa, mit dem ma se zerteilt hodde, korz an die Zung gehall. Isch hann sehr gelacht!
Fazit: Klein, aber oho.
Drauße isses mittlerweile schonn e bisje schweinekalt. Jedenfalls glawisch, dasses de Chilis drinne besser geht. E bisje dunkler, awwa dodefa wärma. Jetzt kannisch zwar nimmeh es Fenschda rausgugge, awwa außer unserm gudde Kumbel Gasballon gebt’s dort jo eh nix se siehn.
Jedenfalls konndisch von de Calypso Red inzwische doch schonn e paar ernte unn wenn jemand wisse will, wie scharf se sinn, kann de Daniel das gäre beantworde
Isch jedenfalls hann jetzt gelernt, dass das was ma bei uns so an Chilis in de Subbamärkt kritt noch netmols middelscharf is (naja, is jetzt aach net sehr überraschend).
Es Motto von de Carribean Red is anscheinend eher: “Besser spät, als nie!” Hoffentlisch is de Sommer noch lang genuch, dass aus dene noch was werd. Es gudde Wedda Ende Juli hat uff jede Fall mol nommol zu nem Wachstumsschub geführt.
Dodefa sprießt’s bei de Calypso an all Egge unn Enne. Isch frei misch schonn uff’s Ernte.
Hoffentlisch finne die Biene die Blüte aach in dem Busch.
Unn hier mol noch e bisje iwwasischtlischa:
Die Carribean Red losse mem Blühe leider noch e bisje uff sisch warde… 