Posts Tagged ‘Calypso Red’

Trocknen

Tuesday, October 28th, 2008

Sonndaach is Droggeldaach. ;-)

Ofen

Im Umluft-Backofe von meine Eltre mol scheen e paar Schdunn (unna schdännischem Dorschmische) bei 90°C dorschgbloß.

Unn hier es Ergebnis (noh ca. 9 Schdunn):

Trocken

Gleich mol e paar klähn gehäckselt, um mei Chili-Mühl demit se beschigge.

Gemahlene Chilis

Die hannisch dann nadierlisch aach gleisch uff’s Ohmendesse losgeloss. -

E Traum!!

Ernte

Monday, October 27th, 2008

Samschdaach is Erntedaach. ;-)

Unn so sitt e Fenschderbank mit lauder rode Chilis vorm Abernde aus:

Fensterbank

Unn so e Schüssel mit 800g reife Calypso Red:

Calypso Red

Bei de Carribean war leider net so vill rausseholle (der Ausschlaach an da Woh war wehnischa als e Skalestrichbreite… ), awwa isch bin jo schonn froh, dassisch von dene iwwahaupt noch was kritt hann.

Carribean Red

Geschda hannisch se getrocknet. – Dokumentation folgt.

Back on the inside

Thursday, September 18th, 2008

Drauße isses mittlerweile schonn e bisje schweinekalt. Jedenfalls glawisch, dasses de Chilis drinne besser geht. E bisje dunkler, awwa dodefa wärma. Jetzt kannisch zwar nimmeh es Fenschda rausgugge, awwa außer unserm gudde Kumbel Gasballon gebt’s dort jo eh nix se siehn.

Links

Links

Jedenfalls konndisch von de Calypso Red inzwische doch schonn e paar ernte unn wenn jemand wisse will, wie scharf se sinn, kann de Daniel das gäre beantworde ;)
Isch jedenfalls hann jetzt gelernt, dass das was ma bei uns so an Chilis in de Subbamärkt kritt noch netmols middelscharf is (naja, is jetzt aach net sehr überraschend).

Calypso Red

Calypso Red

Früh blüht, was eine Chili werden will

Monday, August 4th, 2008

Es Motto von de Carribean Red is anscheinend eher: “Besser spät, als nie!” Hoffentlisch is de Sommer noch lang genuch, dass aus dene noch was werd. Es gudde Wedda Ende Juli hat uff jede Fall mol nommol zu nem Wachstumsschub geführt.

Carribean Red

Dodefa sprießt’s bei de Calypso an all Egge unn Enne. Isch frei misch schonn uff’s Ernte.

Calypso Red

Calypso Red

Es Blüht

Sunday, July 6th, 2008

Blüten

Hoffentlisch finne die Biene die Blüte aach in dem Busch.

Unn hier mol noch e bisje iwwasischtlischa:

Calypso Red

Carribean Red

Die Carribean Red losse mem Blühe leider noch e bisje uff sisch warde… :(