Chili Schaf

MEHR… MEEEEEHHHR!!!

Volker — Sat, 28 Aug 2010 15:25:21 +0000

Die erschde Chupetinha werre schonn reif.

Unn wenn von de Abbraccio jetzt noch e paar rot werre, macht sich das bestimmt ganz gudd.

E paar sitt ma jo immerhin schonn orange durchschimmere.

The Bhut of all evil

Volker — Tue, 24 Aug 2010 11:23:29 +0000

Es geht ab

Volker — Tue, 20 Jul 2010 14:27:25 +0000

Die Abbraccio hann sinn inzwische schonn ganz ordentlisch behang. Obwohl: Eigentl stehn die Kerze jo eher. Bin schonn sehr gespannt, wie’s aussitt, wenn se reif werre.

Die Chupetinha hann jetzt aach schonn e paar klänare Asuwüchse vorseweise.

Unn an dem Tabasco-Strauch, den ma mein Cousine Heike vermacht hat, losse sisch aach schonn e paar Bohne blicke.

Hot?!?

Volker — Thu, 15 Jul 2010 14:24:23 +0000

Se gedeije ordentlisch. Isch bin sefriede. Es wedda die ledschde Woche war awwa aach brudal.

Die Abbraccio hann schonn erschde klähne Früschdja un die Chupentinha blühe stelleweis immerhin schonn. Nur die Bhuts halle sisch noch ziemlisch serick.

Mulchig

Volker — Fri, 25 Jun 2010 14:11:22 +0000

Hann noch e bisje Rindemulch zwische de Pflänzja vastreut: Schee.

Die 5 “schlanke” (Euphemismus?) Pflanze an de Ränder sinn iwwarischens Sonneblume vom Sarah.

Ich beete…

Volker — Sun, 13 Jun 2010 07:01:27 +0000

…dasses Wedda jetz mol gudd bleibt, so dass se aach ordentlisch wachse

Die grüne Sprenkel zwischedrin sinn Schneckekorn, das sisch im Nachhinein awwa als unnedisch erwies hat. Irgendwie schneckt’s net so.

Ganz hinne sinn die Abbraccio unn vorne sinn die Bhuts unn die Chupentinha. Zu diesem Zeitpunkt hannisch allerdings net de blasseste Schimmer, was devon die 6 Bhuts sinn. Häddisch ma besser mol irgendwie merke solle. Spädeschdens an de Früchde werd ma’s awwa wohl erkenne.

Brennesselsud

Volker — Mon, 07 Jun 2010 14:09:45 +0000

Eher unangenehm isses, wenn Chilis Blattleis hann. Nodem manuelles entferne sich als wenisch erfolgreich rausgestellt hat. Hannisch misch mol e bisje umgehehrt unn Brennesselsud angesetzt.
E adäquates Brennesselvorkomme hannisch uff Hinweis vom Tina aach relativ schnell gefunn.

Isch hann’s leider net ganz uff’s Bild kritt…
Die Brennessele hannisch dann in e Kann gemach, heiß Wasser driwwa geschutt unn dann e Daach stehn geloss.

Das Zeisch hannisch dann in e Sprühflasch geschutt unn nodemisch die Leis dann so 3-4 mol drinn ertränkt hann, ware mei Pflänzja aach tatsächlich von ne befreit.

Sehr schön.

Umgegrab

Volker — Thu, 03 Jun 2010 13:43:41 +0000

Hann am Wocheen mol es Beet umgegrab. E herzlischa Dank nommol an de Mo für die Hilfe.
Für die Infassung hannisch Bruchstücke von der Tanne von meinem Opa, die de ledschde Sturm net iwwaläbt hat, verwendet.

E schaddisches Plätzje…

Volker — Wed, 07 Apr 2010 11:05:29 +0000

…is definitiv nix für Chilis. Deshalb hannisch se mol daachsiwwa raus in die Sonn geschdellt.

Geht ne beschdimmt gudd ab!

Progress Report

Volker — Thu, 18 Mar 2010 15:31:30 +0000

Alles wächst und gedeiht. Die Torftabledde unn die Käschdja ware definitiv e guddie Investition.

So langsam misse se jetzt awwa mol in Dibbscha: Die Worzele hänge teilweise unne schonn raus.